अस्थायी तथा करार सेवामा कार्यरत शिक्षकहरुले शिक्षा, विज्ञान तथा प्रविधिमन्त्री गिरिराजमणि पोखरेलको राजीनामा माग गरेका छन् ।

काठमाडौंको माइतीघर मण्डलादेखि नयाँ बानेश्वरसम्म आइतबार सरकारविरुद्ध प्रर्दशनमा माग सुनुवाई नगरेको भन्दै मन्त्री पोखरेलको राजीनामा माग्दै नाराबाजी गरेका थिए ।

सरकारी सेवामा १५ वर्ष भन्दा बढी बिताएका अस्थायी तथा करार सेवामा कार्यरत शिक्षकहरुले स्वतः स्थायी गर्न माग गर्दै करिब २ महिनादेखि आन्दोलन गर्दै आएका छन् ।

नेपालमा करिव ४० हजार अस्थायी शिक्षक रहेका छन् ।