काभ्रे, ५ चैतमण्डनदेउपुर नगरपालिका-७ बस्ने १४ वर्षीया बालिकालाई जबरजस्ती करणी गरेको अभियोगमा सोही नगरपालिका-३ बस्ने २१ को प्रकास दनुवार राई समेत ३ जनालाई मंगलबार बिहान प्रहरीले पक्राउ गरेको छ । गत आइतबार राति सोही नगरपालिकास्थित ईन्द्रावती नदीको बगरमा लगी ती बालिकालाई राई समेत ४ जनाले जबरजस्ती करणी गरेको भन्ने खबर मंगलबार बिहान प्राप्त हुनासाथ प्रहरी चौकी हिगुवापाटीबाट खटिएको प्रहरीले राई समेत ३ जनालाई पक्राउ गरेको हो । फरार अर्का एक अभियुक्तको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।