तमु ल्होसारको बिदा कटौतीको विरोधमा सुनसरीका गुरुङ समुदायले जिल्ला प्रशासन कार्यालयमा धर्ना दिएका छन् । तम् ह्युल छोज धी गुरूङ राष्ट्रिय परिषद्को केन्द्रीय तालिका अनुसार सुनसरीमा समेत धर्ना दिइएको हो । जिल्ला अध्यक्ष बकसमान गुरूङको अगुवाईमा इनरूवा पुगेको टोली प्रशासन हाताभित्र एक घण्टा धर्नामा बसेको थियो ।

जातीय पहिरनमा धर्नामा सहभागी गुरूङ अगवा सहितको टोलीले तमु लोसारको बिदा कायम गरिनुपर्ने माग राखेका थिए । यसअघि दिइदै आइएको बिदा कटौती गर्नुलाई जातीय विभेद भएको बताएका धनाकारीहरूले निर्णय अविलम्ब सच्याइनुपर्ने बताएका छन् । । सुनसरीमा करिव ८ हजारको संख्यामा गुरूङ जातिको बसोवास रहेको छ । यस पटकको तमु ल्होसार पुस १५ गते परेको छ।