माथागढी गाउँपालिका-५ घर भई हाल रुपन्देही देवदह नगरपालिका-६ दाउन्ने बस्ने १३ वर्षीया बालिकालाई शुक्रबार साँझ जबरजस्ती करणी गरेको अभियोगमा सोही गाउँपालिका-३ सराई बस्ने २५ वर्षीय रोशन कुमाललाई शनिबार साँझ प्रहरीले पक्राउ गरेको छ ।

सोही गाउँपालिका-७ पाल्पा सिमेन्ट प्रालिको चुनढुङ्गा खानी जाने बाटो बनाउन प्रयोग हुने मिस्कट बोक्ने लु.२ ख ३२१७ नम्बरको ट्रिपर चालक रोशनले नवलपरासीको दाउन्नेबाट सोही ट्रिपरमा सवार गरी आएकी बालिकालाई सोही ठाउँस्थित धाव एरियामा जबरजस्ती करणी गरेको भन्ने खबर प्राप्त हुनासाथ प्रहरी चौकी माथाबाट खटिएको प्रहरीले पक्राउ गरेको हो ।

 यस सम्बन्धमा प्रहरीले थप अनुसन्धान गरिरहेको छ ।