२६ वर्षीया महिलालाई बलात्कार गरेको आरोपमा प्रहरीले गोलबजार नपा–३ का २० वर्षीय गजेन्द्र मोचीलाई चैत २५ गते गिरफ्तार गरेको छ ।

पीडित महिलालाई आरोपितले चैत २४ गते बलात्कार गरेको आरोपमा पीडित पक्षले इलाका प्रहरी कार्यालय गोलबजारमा चैत २५ गते उजुरी दिएको थियो । पीडित महिलाको स्वास्थ्य परीक्षण जिल्ला अस्पताल सिरहामा चैत २५ गते गरिएको थियो ।

इलाका प्रहरी कार्यालय गोलबजारका इन्स्पेक्टर नविन घिमिरेका अनुसार घटनाको जानकारी हुनासाथ आरोपितलाई गिरफ्तार गरी आवश्यक कारबाही प्रक्रिया अगाडि बढाइएको छ । 

दुर्गा परियार