उपचारका क्रममा बालकको ज्यान गएपछि कान्ति बाल अस्पताल तनावग्रस्त भएको छ ।

बुधबार बिहान स्वास्थ्यमा समस्या देखिएपछि उपचारका लागि लगिएका बालाजुका ८ वर्षे बालक अंकित खत्रीको ज्यान गएपछि तनाव भएको हो ।

बालकका अभिभावकले डाक्टरले दिएको औषधिका कारण ज्यान गएको दाबी गरिरहेका छन् तर अस्पतालले भने छारे रोगका कारण बालकको ज्यान गएको जनाएको छ ।

अस्पतालका निर्देशक गणेश राईले छारे रोगका कारण बालक बेहोस भएको र उनको ज्यान गएको बताउनु भएको छ । बालकको पोस्टमर्टम गर्ने नगर्ने विषयमा अहिले अभिभावक छलफलमा छन् ।