नापी र मालपोत कार्यालयमा भ्रष्टाचार बढेको भन्दै कावासोतीमा रयालीसहितको धर्ना दिइएको छ। भूमि अधिकार मञ्च, नवलपरासीको आयोजनामा कावासोतीको फलफूल चोकदेखि मालपोत कार्यालयसम्म याली निकालिएको थियो । यालीपछि केहीबेर मालपोत कार्यालय कावासोतीअगाडि धर्ना दिई त्यालीमा सहभागी अगुवाहरूले मालपोत कार्यालय कावासोतीमा मागपत्रहरू पनि बुझाएका थिए ।

सरकारी जग्गा किर्ते गरी दर्ता गर्नेदेखि भूमाफियाहरूसँग मिलेर सुकुमबासीको जग्गा अकको नाममा पास गर्नेलगायतका गतिविधिमा मालपोत र नापीका कर्मचारीहरू सक्रिय भएर लाग्ने गरेको उनीहरूको आरोप थियो।  

राष्ट्रिय भूमि अधिकार मञ्चका केन्द्रीय सदस्य मञ्जु श्रेष्ठले मालपोत र नापीमा भूमाफियाहरूको मिलेमतोमा व्यापक चलखेल हुने गरेका कारण धर्नालगायतका आन्दोलनका कार्यक्रम अगाडि बढाउन परेको बताइन् । राष्ट्रिय भूमि अधिकार मञ्चले बुधबार देशैभर मालपोत कार्यालयमा धर्ना दिएको हो ।