१४ वर्षीया बालिकालाई यौन दुर्व्यवहार गरेको आरोपमा प्रहरीले गोरखा नपा-८ बस्ने २० वर्षीय उदित दवाडी र सोही ठाउँ बस्ने १९ वर्षीय विनोद परियारलाई जेठ २० गते गिरफ्तार गरेको छ ।

घटनाका अन्य आरोपित गोरखा नपा-८ बस्ने १९ वर्षीय सुमन गुरुङ र शहीद लखन गाउँपालिका-८ घर भइ हाल गोरखा नपा-८ बस्ने १९ वर्षीय रविन ढकाल भने फरार रहेकोमा खोजी कार्य जारी रहेको प्रहरीले जनाएको छ ।

पीडित बालिकालाई आरोपितहरूले जेठ १९ गते यौन दुर्व्यवहार गरेको भन्दै पीडित पक्षले सोही दिन प्रहरीमा उजुरी दिएको थियो ।

पीडित पक्षको उजुरीपछि गिरफ्तार गरिएकामाथि अनुसन्धान भइरहेको र फरार आरोपितको खोजी कार्य जारी रहेको जिल्ला प्रहरी कार्यालय, गोरखाका एसपी भोला रावलले जानकारी दिए ।

पीडित बालिकाको स्वास्थ्य परीक्षण जेठ २० गते गोरखा अस्पतालमा गरिएको प्रहरीले जनाएको छ ।

हरिराम उप्रेती