फिदिम नपा-१ की १३ वर्षीया सन्ध्या राईलाई ३४ वर्षीय बुबा समिर राई र २० वर्षीया कान्छी आमा समीक्षा राईले कुटपिट गर्नुका साथै गालीगलौज गरेको भन्दै इन्सेक पाँचथरले जेठ २६ गते जिल्ला प्रहरी कार्यालयमा उजुरी दर्ता गराएको छ ।

पीडित बालिकाले इन्सेक जिल्ला प्रतिनिधि मङ्गल बेघासमक्ष सहयोगका लागि आग्रह गरेपछि पीडितलाई न्याय दिलाउन पीडितको तर्फबाट उजुरी दर्ता गरेका हुन् ।

आरोपितहरूले पटकपकट कुटपिट गर्ने गरेको र पछिल्लो पटक जेठ २४ गते तारले निर्धात हुने गरी कुटपिट गरेको भन्ने पीडितले बताएकी छिन् ।

स्थानीय निलकण्ठ बोर्डिङ स्कुलको कक्षा ४ मा अध्ययनरत पीडितलाई विद्यालयले लिने शुल्क माग गर्दा समेत कुटपिट गर्ने गरेको उनले बताइन् । शरीरमा निलडाम देखिएपनि पीडित बालिकाको हालसम्म स्वास्थ्य उपचार गरिएको छैन ।

पीडितको तर्फबाट प्राप्त उजुरी दर्ता गरिएको र आरोपितहरूलाई झिकाउने तयारी गरिएको जिल्ला प्रहरी कार्यालयका इन्स्पेक्टर अनिल पौडेलले बताए ।

छलफल पश्चात अभिभावकवाट संरक्षकत्वको अनुभूति हुने गरी प्रतिबद्धता नआए कानुन अनुसार कारवाही गरिने इन्स्पेक्टर पौडेलले जानकारी दिए ।

मङ्गल बेघा