पर्साको पोखरीया नगरपालिमा वडामा समान बजेट विनयोजन नभएका कारण बुधवार नगरकार्यपालिका बैठकमा छलफल हुदै गर्दा जनप्रतिनिधीहरुबीच कुटाकुट भएको छ।नगरपालिकाको वडा नम्बर ६ का अध्यक्ष सियानन्द चौहान र वडानम्बर ४ का अध्यक्ष लक्ष्मण साह कानुबीच बैठक कक्षामै कुटाकुट भयो ।

वडा नम्बर ६ का अध्यक्ष सियानन्द चौहानले बैठकमा विकास बजेट  विनयोजन नभएको कुरा उठाए पछि  विवाद भएको थियो । चौहानले नगरप्रमुख सँग बजेट समानरुपमा विनयोजन किन भएन भनेर प्रश्न गर्दा ४ का वडा अध्यक्ष लक्ष्मण साहले जवाफ दिएपछि विवाद बढेको थियो। चौहान र साहबीच हात हालाहाल भएको बैठकका सहभागीहरुले बताएका छन ।