धुलो उडेकै कारण सडक अबरूद्ध गरिएको छ । सडकमा उड्ने धुलोबाट पीडित भएको भन्दै विष्णुपुर गाउँपालिकाको लक्ष्मीपुरचोकमा शनिबार स्थानीय बासिन्दा र व्यावसायीले सडक अवरुद्ध गरेका छन् । लक्ष्मीपुरचोक देखि थल्हा जाने एक हजार आठ सय मिटरको पिच सडकको निमार्णको लागि अम्बा विल्डर्स कम्पनीले समय अवधिमा निमार्ण गर्न नसक्केकोमा विष्णुपुर गाउँपालिकाले ७ दिने सूचना समेत गरिसक्केको छ । सो काम सम्पन्न नभए कारवाही गरिने गाउँपालिका अध्यक्ष जागेश्वर यादवले बताएका छन् ।

वर्षीदेखि जीर्ण सडकको कारण सवारीसाधन आवतजावतबाट उड्ने धुवाँधुलोले स्वास्थ्यमा असर पारेर पीडित भएको भन्दै वडा नं. ४ का कार्यपालिकासदस्य महेन्द्र यादवको नेतृत्वमा स्थानिय जनताले बिहान ८ बजे देखि १ बजे सम्म सडक अवरुद्ध गरेका छन् ।

सम्बन्धित निकायले धुलो उड्न नदिन दैनिक पाँच पटकसम्म पानी छकिंने सम्झौता गरे पनि कार्यान्वयन नगरेकोले बाध्य भएर आन्दोलनमा उत्रेको यादवले बताएछन् ।