नेपालगन्ज उमनपा-२ घरबारीटोलकी ३६ वर्षीया ललिताकुमारी लोधको हत्या गरेको आरोपमा प्रहरीले ४३ वर्षीय पति शिवकुमार लोधलाई असार २५ गते गिरफ्तार गरेको छ ।

परिवारका सदस्यले ललितालाई घरमा नभेटेपछि खोज्दै जाँदा मृतकको शव ड्रममा राखिएको अवस्थामा भेटिएको थियो । पीडित पक्षले घटनाका सम्बन्धमा असार २५ गते जिल्ला प्रहरी कार्यालयमा उजुरी दिएको छ ।

घटनाको जानकारी पाए लगत्तै प्रहरी घटनास्थलमा पुगेर आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका एसपी बिरबहादुर वलीले बताए । शव पोष्टमार्टमका लागि भेरी अस्पतालमा राखिएको छ ।