नवलपरासी । जिल्ला प्रहरी कार्यालय नवलपुरले जबरजस्ती करणीको आरोपमा दुई जना युवकलाई नियन्त्रणमा लिएको छ । कावासोती नगरपालिका १० मगरकोटका २३ वर्षीय कृष्ण महतो र १६ वर्षीय अस्मित कुमाललाई प्रहरीले नियन्त्रणमा लिएको हो ।

उनीहरुले सँगै चटपट खाएर घर फर्कने क्रममा ती युवतीलाई घर नलगी खोलामा लगेर जबरजस्ती करणी गरेको युवतीले जनाएकी छन् । प्रहरीले युवतीलाई स्वास्थ्य परीक्षणका लागि अस्पताल पठाएको जनाएको छ ।

पक्राउ परेका युवाहरुलाई थप अनुसन्धान भइरहेको र जबरजस्ती करणी अन्तरगत मुद्दा चलाउने तयारी भएको नवलपुर प्रहरीले जनाएको छ । पीडित युवतीका आफन्तका जाहेरीका आधारमा उनीहरुलाई प्रहरीले आइतबार पक्राउ गरेको हो ।