2019-10-15
(पर्वत) — झन्डै दुई महिनाअघि माइती पक्षको सहमतिबिना बिहे गरेकी १७ वर्षीया किशोरी मृत फेला परेकी छन् । कालीगण्डकी किनारमा मंगलबार साँझ जलजला गाउँपालिका–५ लेकफाँटकी बिजु जीसीको शव भेटिएको हो ।
उनी डेकबहादुर र कमला जीसीकी एक्ली छोरी हुन् । बिजुको बागलुङ नगरपालिका–३ गुठीका ३४ वर्षीय असीम खड्कासँग बिहे भएको थियो । स्थानीय नवीन जीसीका अनुसार खड्काका आफन्त भदौ १ गते बिजुको हात माग्न गएका थिए । आमा कमलाले बाबु वैदेशिक रोजगारीमा रहेको र छोरीको उमेर नपुगेको भन्दै प्रस्ताव इन्कार गरिन् । उनी शिक्षिका हुन् । बिजु पोखरामा बसेर पढ्थिन् ।
भदौ ३ गते कमला विद्यालय गएको मौका छोपी खड्का परिवारले घरमा एक्लै रहेकी बिजुलाई फकाई–फुल्याई लगेर बिहे गराइदिएको काका तिलक जीसीले बताए । जलजला–५ का वडाध्यक्षसमेत रहेका जीसीले तत्कालै बालविवाहविरुद्धको कसुरमा मुद्दा दर्ताको तयारीसमेत गरेका थिए । ‘पारिवारिक अवस्था राम्रै छ । विवाह भइसकेकी छोरीको भविष्य नबिगारौं भन्ने सबैको सल्लाह भयो,’ उनले कान्तिपुरसित भने, ‘उति बेला राम्रो होला भनेर पछि हट्यौं । अहिले यो दुर्दशा भयो ।’
विवाहको एक सातादेखि नै छोरीले आफू घरेलु हिंसामा परेको भनी सुनाउने गरेको आमा कमलाले बताइन् । ‘सुरुदेखि नै दाइजो नल्याएको भन्दै मानसिक टर्चर दिने गरेको छोरीले सुनाउँथी,’ उनले भनिन्, ‘बिस्तारै ठीक हुँदै जान्छ भनेर घर बिगार्न खोजिनँ । यो अवस्था आउँछ भन्ने लागेको भए किन छोड्थें र ?’ छोरीलाई ल्याउन खोज्दा घर पक्षले नदिएको उनले बताइन् । दुई साताअघि बागलुङ बस्ने छिमेकीमार्फत ५ हजार रुपैयाँ पठाएर छोरीलाई सुरक्षित स्थानमा जान सुझाएको कमलाले बताइन् । बिजु असोज १७ देखि हराएको माइतीले जनाएका छन् । घर पक्षले भने असोज १८ गते बागलुङ प्रहरीमा महिला हराएको सूचना दिएको छ । पति असीमले दिएको जाहेरीमा हराएको मिति ०७६ असार १६ र उमेर २० वर्ष उल्लेख छ । हराएको भनिएको मिति बिहे भएको भन्दा दुई महिनाअघि हो । जाहेरीमा किशोरीको उमेर र मिति फरक पार्नुले घटना रहस्यमय रहेको माइतीको आरोप छ । माइती पक्षले बिजुको हत्या भएको दाबी गरेको छ । आमा कमला र हजुरबुबा फौजबहादुरले बिहीबार असीमविरुद्ध हत्या, अपहरण र जबर्जस्ती करणीमा उजुरी दर्ता गराएका छन् । प्रहरीले घटनामाथि अनुसन्धान भइरहेको जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | None |
Primary Cause | Related to disputes over dowry |
Actor 1 - Number of people | 1 |
Actor 1 - Affiliations | Family/relative |
Actor 1 - Youth | noyouth |
Actor 2 - Number of people | 1 |
Actor 2 - Affiliation (Target) | Family/relative |
Actor 2 - Youth | youth |
Total Killed | 1 |
Female Killed | 1 |
Youth Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19