कैलालीको गौरीगंगा नगरपालिका वडा नम्बर २ को  कार्यालयमा  बिहिबार  दिउँसो  अज्ञात समूहद्ले तोडफोड  गरेको छ ।

दिनको करिब १२ दुईवटा  मोटरसाईकलमा आएको ६ जनाको  समुहले  वडा कार्यालय तोडफोड गरेको जनकबहादुर साँउदले बताए । मास्क लगाएर  आएको समुहले कम्युटर प्रिन्टर, टेबल तोडफोड  गरेको हो बाटै । वडा अध्यक्ष साउँदका अनुसार समुहले उनीउपर समेत हातपातको प्रयास गरेका थिए ।

जिल्ला प्रहरी कार्यालय कैलालीका  प्रमुख प्रहरी उपरीक्षक सुदीप गिरी तोडफोडमा  संलग्न व्यक्तिहरुको खोजी भईरहेको बताए ।

यस्तै अज्ञात समूहद्वारा  तोडफोड गरिएको  घटनाप्रति गौरीगंगा नगरपालिका ले प्रेस विज्ञप्ति जारी  गरेर गम्भीर ध्यानाकर्षण भएको जनाएको छ ।