2019-11-28
३४ वर्षीया महिलाले शम्भुनाथ नपा–१२ कुशहाका ४५ वर्षीय लक्ष्मी साह हलुवाईविरुद्ध मङ्सिर २० गते दिएको जबरजस्ती करणी उद्योगको उजुरी सप्तरी प्रहरीले लिन अस्वीकार गरेको गुनासो गर्नुभएको छ ।
देवर, बहिनी र कानुन व्यवसायीसहित मङ्सिर २० गते जिल्ला प्रहरी कार्यालय पुग्नु भएकी पीडितलाई मुद्दा शाखाका इन्स्पेक्टर सन्तोष खडकाले सो क्षेत्रको घटना जिल्ला प्रहरी कार्यालयले नभई इलाका प्रहरी कार्यालय कल्याणपुरले हेर्ने भन्दै फर्काएको र इलाका प्रहरी कार्यालय कल्याणपुरका प्रमुख इन्स्पेक्टर विष्णुप्रदिप बस्यालले सो क्षेत्रको घटना जिल्ला प्रहरी कार्यालयले नै अनुसन्धान गर्ने भनेपछि आफूहरू अन्यौलमा परेको बताउनु भयो ।
एक छोरीकी आमा ३० वर्षीया महिला र आफ्नो १६ वर्षीय छोराको बालविवाह गर्न दिएको दबाब नमानेपछि उत्पन्न विवाद समाधान गर्ने लोभ देखाई मङ्सिर १२ गते आरोपितले बलात्कार प्रयास गरेको पीडितले बताइन् ।
छोराको विवाहबारे छलफल गर्न घर जाउ भनी सोही ठाउँका ३५ वर्षीय नसिम मियाँले स.१०प २५८३ नम्बरको मोटरसाइकलमा चढाई नसिमको खाली रहेको घर छेउको चौरमा लगेको र सोही ठाउँका ४० वर्षीय अनीलकुमार राय अमातले वडा अध्यक्षले भनेको मान्नु भनी सल्लाह दिएर गएपछि आएका आरोपित हलुवाईले बलात्कार प्रयास गरेको पीडितले बताउनुभएको छ । हलुवाई शम्भुनाथ नगरपालिका वडा नम्बर १२ का वडा अध्यक्ष हुनुहुन्छ ।
पति काठमाडौँमा र ससुरा विराटनगरमा मजदुरी गरिरहेकाले उहाँहरूसँग सल्लाह भएपछि घटनाबारे प्रहरी वेस क्याम्प पत्थरगाढामा मौखिक उजुरी दिई लिखित उजुरी गर्न जिल्ला प्रहरी कार्यालय आएको पीडितले बताउनु भयो ।
उजुरी लिएर जाँदा जिल्ला प्रहरी कार्यालय र इलाका प्रहरी कार्यालय कल्याणपुरले एकले अर्काको जिम्मेवारी भन्दै उजुरी नलिई फर्काएको पीडितका देवरले बताउनु भयो ।
मनोहरकुमार पोखरेल
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Sexual Assault |
Weapons | None |
Primary Cause | Rape/sexual assault |
Actor 1 - Number of people | 1 |
Actor 1 - Affiliations | Citizen/Individuals |
Actor 1 - Youth | noyouth |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Raped | 1 |
Female Raped | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19