१८ वर्षीया युवतीलाई ६ वर्षदेखि बलात्कार गर्दै आएको आरोपमा २५ वर्षीय काकाविरूद्ध पीडित युवतीले पुस ३ गते जिल्ला प्रहरी कार्यालय चितवनमा उजुरी दिनुभएको छ ।

पीडित युवतीलाई आरोपितले पछिल्लो पटक गत मङ्सिर ८ गते बलात्कार गरेको भन्दै प्रहरीमा उजुरी आएको जिल्ला प्रहरी कार्यालयका डिएसपी एकनारायण कोइरालाले जानकारी दिनुभयो ।

पीडित युवतीको स्वास्थ्य परीक्षण पुस ३ गते नै भरतपुर अस्पतालमा गरिएको छ । आरोपित फरार रहेकाले खोजी कार्य जारी राखिएको प्रहरीले जनाएको छ ।