चन्द्रपुर नपा–५ की ३५ वर्षीया बिमला श्रेष्ठलाई ३२ वर्षीय भाइ विकास श्रेष्ठ र २९ वर्षीया बुहारी अनु श्रेष्ठले पुस ९ गते टाउको, मुख, आँखा, हातलगायत शरीरको विभिन्न अङ्गमा चोट पर्ने गरी कुटपिट गरेको भन्दै इन्सेक कार्यालय, रौतहटमा र चन्द्रपुर नगरपालिकामा जानकारी गराउँदै पीडितले न्यायको याचना गर्नुभएको छ ।

१५ वर्ष अगाडि काठमाडौँको टोखामा विवाह भएको उहाँको एक छोरी पनि रहेकी छन् । पतिको हिंसा खप्न नसकी माइतीको घरमा बस्दै आउनु भएकी बिमलाले माइती घरमा पनि सधैँजसो हेपाई, कुटाइ खेप्नु परेको बताउनुभएको छ ।

पीडित महिलाको उपचार पुस ९ गते चन्द्रनिगाहापुर अस्पतालमा भएको छ ।

उपचार पश्चात पीडित महिलामाथि आफन्तबाट नै घटना भएकोले अदालत जान सहयोग गर्ने चन्द्रपुर नपाकी उपप्रमुख रामरती चौधरीले बताउनु भयो ।

कोपिला तिमल्सिना