सिरहाको नरहा गाउँपालिका वाड नं. ३ का वाड कार्यालय आगाडि आइतवार संघर्ष समिति नरहा गाउँपालिका द्वारा २ घन्टा धर्नाको कार्यक्रमको शुरुवात गरेका छन् ।

नरहा वाड नं. २ का वाड अध्यक्ष ज्ञानदेव सिंहको अध्यक्षतामा यही ८ गतेदेखि १३ गते सम्म ६ दिने कार्यक्रम अन्तर्गत वाड नं. ३ को वाड कार्यालयको अगाडिबाट शुरुवात गरेका छन् । यो कार्यक्रम दोश्रो चरणको हो । पहिलो चरणमा ५ वटै वाड कार्यालयको आगाडि बिरोध प्रदर्शन गरेका थिए भने दोश्रो चरणमा प्रत्येक वाड कार्यालयको आगाडि धर्ना दिने कार्यक्रम रहेको छ । आ.वा. ०७४/७५ र ०७५/७६मा गरेको खर्चको विवरण माँग गर्दै आन्दोलन शुरु गरेका छन् । गाउँ सभाले छनौट गरेको योजना खर्चको विवरण र विकास निर्माणको नाममा भ्रष्ट्राचार भएको, आर्थिक गतिबिधि पारदर्शी बनाउन पटक–पटक माँग गर्दै, ०७५/७६ को गाउँ सभा गर्न नसकेको वजेट विनियोजन गर्न नसकेका र पहिलो चरणको कार्यक्रमको वेवास्ता गरेपछि आन्दोलन गर्न कार्यपालिका सदस्य संगीता कुमारी यादवको संयोजकत्वमा ३५ सदस्य भएको संधर्ष समिति गठन गरि आन्दोलन थालिएको नरहा गाउँपालिका वाड नं. २ का अध्यक्ष ज्ञानदेव सिंहले बताएका छन् ।