२८ वर्षीया महिलालाई अश्लिल तस्वीर र म्यासेज पठाएर यौन दुर्व्यवहार गरेको आरोपमा अन्नपुर्ण गाउँपालिका–६ घारका खिमबहादुर खड्कालाई प्रहरीले गिरफ्तार गरेको छ ।

पटकपटक सामाजिक सञ्जाल फेसबुकमा अश्लिल तस्वीर र म्यासेज पठाएर यौन दुर्व्यवहार गरेको भन्दै पीडितले दिएको उजुरीका आधारमा प्रहरीले २०७६ फागुन ४ गते साँझ ५२ वर्षीय खड्कालाई गिरफ्तार गरेको जिल्ला प्रहरी कार्यालय म्याग्दीका इन्स्पेक्टर ध्रुव शर्माले बताउनुभएको छ ।

पीडितले उजुरीमा आरोपितले अश्लिल म्यासेज पठाउनुका साथै अनैतिक सम्बन्धको प्रस्ताव समेत गरेको उल्लेख गरिएको र सोहि अनुसार आरोपितलाई कारवाही गरिने जानकारी इन्स्पेक्टर शर्माले दिनुभयो ।