2020-03-13
पर्वतको बिहादी गाउँपालिका–२ बर्राचौरमा सञ्चालित आम्बारी माध्यमिक विद्यालयमा अध्यापनरत शिक्षक ३६ वर्षीय कृष्ण ढकाललाई कुटपिट गरेको आरोपमा जिल्ला प्रहरी कार्यालय पर्वतले सोहि स्थानका २८ वर्षीय विमल पराजुलीलाई चैत ३ गते गिरफ्तार गरेको छ ।
फागुन ३० गते विद्यालयमा पठनपाठन सकेर घर फर्किँदै गर्दा शिक्षक ढकाललाई विमल पराजुली र गणेश पराजुलीले बाटोमा कुरेरै बसेर कुटपिट गरेका थिए । कुटपिटबाट शिक्षक ढकालको आँखामा गम्भीर चोट लागेको छ ।
कुटपिट पश्चात चैत १ गते पीडित शिक्षक ढकालले जिल्ला प्रहरी कार्यालय पर्वतमा किटानी उजुरी दिएका थिए ।
शिक्षक ढकालको उजुरीका आधारमा प्रहरीले विमललाई चैत ३ गते गिरफ्तार गरेको हो भने अर्का आरोपित गणेश पराजुलीको खोजि कार्य भइरहेको जिल्ला प्रहरी कार्यालय पर्वतका इन्स्पेक्टर विकास थापाले जानकारी दिनुभयो ।
उहाँले आरोपित विमल पराजुलीलाई सार्वजनिक हित विपरीत कार्य गरेको भन्दै जिल्ला प्रशासन कार्यालय पर्वतबाट चैत ४ गते थप अनुसन्धानका लागि ७ दिनको म्याद थप गरिएको बताउनुभएको छ ।
शिक्षक ढकाललाई विद्यालय व्यवस्थापन समिति गठनको विषय र विद्यालयले संकलन गर्दै आएको सहयोग रकम सम्बन्धी विषयलाई लिएर कुटपिट गरेको सामान्य बुझिएको र थप सोधपुछ कार्य भइरहेको प्रहरीले जनाएको छ ।
पीडितको उपचार जिल्ला अस्पताल पर्वतमा भइरहेको छ भने आरोपितको स्वास्थ्य परीक्षण चैत ३ गते गरेर हिरासतमा राखिएको छ ।
सन्तोष थापा
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | None |
Primary Cause | Other governance issues |
Actor 1 - Number of people | 2 |
Actor 1 - Affiliations | Citizen/Individuals |
Actor 1 - Youth | noyouth |
Actor 2 - Number of people | 1 |
Actor 2 - Affiliation (Target) | Education sector/teachers (private and public) |
Actor 2 - Youth | noyouth |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD