2020-03-23
Sudurpashchim, Kanchanpur, Bhimdatta
कैलालीको गौरीफन्टा नाकामा रोकिएका नेपालीहरुले सरकारविरुद्ध प्रदर्शन गरेका छन् । भारतबाट आएका नेपालीहरु नेपाली भूमिमा प्रवेश गर्न खोज्दै छन् भने प्रहरीले रोक्ने प्रयास गरिरहेको छ । जसका कारण गौरीफन्टा क्षेत्रमा केही तनावको स्थिति सिर्जना भएको छ ।
लकडाउनसँगै सीमा नाका बन्द गरेपछि भारतबाट नेपाल आउन लागेका सयौं नेपालीहरु सीमा नाकामा अलपत्र परेका छन् । उनीहरुले संकटको बेलामा पनि आफ्नो देशमा फर्किन नदिएको भन्दै आक्रोश पोखेका छन् ।
प्रमुख जिल्ला अधिकारी यज्ञराज बोहोराले सीमा क्षेत्रमा अलपत्र परेका नेपालीहरुलाई के गर्ने भन्नेबारेमा गृह मन्त्रालयको निर्देशन कुरिरहेको जानकारी दिए ।
सरकारले कोरोना भाइरसको रोकथाम तथा नियन्त्रण गर्ने उद्देश्यले अन्तर्राष्ट्रिय सिमानाबाट आउ–जाउ गर्न रोक लगाएको छ । अन्तर्राष्ट्रिय उडानहरु पनि बन्द गरिएको छ । मंगलबार बिहानदेखि १८ गतेसम्म मानिसहरुलाई घर बाहिर निस्किनसमेत नदिने गरी लकडाउन गरिएको छ । गृह मन्त्रालयले लकडाउन पूर्णरुपमा कार्यान्वयन गराउन मातहतका निकायलाई निर्देशनसमेत दिएको छ ।
यसअघि लकडाउन नगर्दासम्म सीमा नाकाबाट आउ–जाउ गर्न स्थानीय प्रशासनले दिएको थियो । १७ दिनको अवधिमा सुदूरपश्चिमका दुई नाका (कञ्चनपुरको गड्डाचौकी र कैलालीको गौरीफन्टा)बाट मात्रै ९५ हजार मानिस नेपाल भित्रिएका थिए ।
भारतमा कोरोना संक्रमण फैलिँदै गएको बेला रोजगारीको सिलसिलामा भारतमा रहेका नेपालीहरु अत्यधिक संख्यामा गाउँघर फर्किँदा नेपाल पनि कोरोनाको उच्च जोखिममा परेको छ । यद्यपि मंगलबारसम्म एक जना नेपालीमा मात्र कोरोना संक्रमण पुष्टि भएको छ ।
Violent / Non-violent | Nonviolent |
Primary Form | Demonstration |
Primary Cause | Other governance issues |
Secondary Cause | Lockdown Enforcement |
Actor 1 - Number of people | 200 |
Actor 1 - Affiliations | Citizen/Individuals |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD