2020-04-22
१० वैशाख, जनकपुरधाम । धनुषाको कमला नगरपालिकामा बुधबार लकडाउन प्रभावितलाई वितरण गरिएको राहतमा चामल र आलु कुहिएको पाइएको छ ।
वडा नम्बर-५ स्थित लक्कड टोलमा वितरण गरिएको राहतमा चामल र आलु कुहिएको पाइएको स्थानीयहरूले बताएका छन् । राहत लिएका झण्डै चार दर्जन व्यक्तिलाई सडेको चामल र कुहिएको आलु परेको पीडितहरूले बताएका छन् ।
‘राहतको पोका लिए लगत्तै गन्हाउन थाल्यो,’ स्थानीय श्याम पासवानले भने, “खोलेर हेर्दा आलु पनि सडेको पायौँ ।” उनका अनुसार चामलमा किरा समेत लागेको देखियो । दुर्गन्धित चामल र सडेको आलु फेला परेपछि राहतलाई वडा कार्यालयमै छाडेर हिँडेको उनले बताए।
राहत लिन गएका श्यामसहित वीरेन्द्र पासवान, श्याम सढोकसहित एक दर्जन व्यक्तिले राहत त्यहीँ छाडेर गएका छन् । बाँकीले गाई, भैँसीलाई नै खुवाउने भन्दै राहत लिएर गएको उनीहरूले बताएका छन् ।
बुधबार कमला नगरपालिका वडा नम्बर-५ ले लक्कड टोलका तीन सय परिवारलाई राहत वितरण गरेको छ । राहत वितरण गरिएकामध्ये झण्डै चार दर्जन व्यक्तिले सडेको खाद्यान्न पाएका छन् ।
वडा अध्यक्ष शिवा पासवानले यो राहत वडा कार्यालयले खरिद नगरेको बताए । उनले नगरपालिका कार्यालयबाट आएको राहत आफूले वितरण गरेको बताए । ‘केही चामलमा मंगलबार भएको वर्षाको पानी पसेको थियो, अरु सबै ठिकै छ,’ वडा अध्यक्ष पासवानले भने, ‘नगरपालिकाले जे पठाइदियो त्यही वितरण गरेका हौँ ।’
Violent / Non-violent | Nonviolent |
Primary Form | Other forms of non-violent protest |
Primary Cause | Issues related to the delivery of government aid programs (e.g. earthquake rehab/recon) |
Secondary Cause | Government Relief |
Actor 1 - Number of people | n/a |
Actor 1 - Affiliations | Local authorities (incl VDC, district, gov. line agencies at local level except education and health) |
Actor 1 - Youth | na |
Actor 2 - Number of people | 48 |
Actor 2 - Affiliation (Target) | Citizen/Individuals |
Actor 2 - Youth | unknown |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD