पलाँता गाउँपालिका –८ निवासी सोही गाउँपालिका अध्यक्ष ३५ वर्षीय लक्ष्मणबहादुर बममाथि वैशाख २७ गते कुटपिट भएको छ ।

नेकपा पलाँता गाउँपालिका कमिटि अध्यक्ष ३७ वर्षीय इन्द्र रोकाया, वडा नम्वर –२ का वडाध्यक्ष ४२ वर्षीय मानबहादुर भण्डारी लगायतको टोलिले गाउँपालिका अध्यक्षलाई कुटेर घाइते बनाएका हुन् ।

वडा नम्बर–२ को ग्रामिण सडक योजनाको उपभोक्ता समिति गठन गर्ने क्रममा गाउँपालिका अध्यक्ष बममाथि कुटपिट भएको कालिकोटका प्रहरी प्रमुख डिएसपी श्याम ओलियाले जानकारी दिनुभयो ।

उहाँका अनुसार बिहान ११ बजेतिर गाउँमा उपभोक्ता गठन सम्बन्धि छलफल भइरहेको अवस्थामा वडा अध्यक्षले गाउँपालिका अध्यक्षमाथि एक्कासी आक्रमण गरेपछि अध्यक्ष बम, उहाँकी श्रीमति र भतिजा सामान्य घाइते भएका छन् ।

घाइते अध्यक्ष बमको स्थानीय स्वास्थ्य चौकीमा उपचार भइरहेको बताइएको छ ।

कालीबहादुर मल्ल