2020-05-24
Province 1, Sunsari, Dharan, Ward 14
चोकको नाम राख्ने विषयमा विवाद हुँदा धरान उपमहानगरपालिका– १४ का महिला सदस्यमाथि हातपात भएको छ ।
धरान– १४ स्थित बमधारा मार्गमा हालै नामकरण भएको शिवजी चोकको विषयमा विवाद हुँदा आइतबार बिहान महिला वडासदस्यसहित तीनजनामाथि कुटपिट भएको प्रहरीले जनाएको छ । घटनामा दलित महिला सदस्य मनीषा विक, झलक तामाङ र सुरज विक घाइते भएको इलाका प्रहरी कार्यालय धरानका डिएसपी ढुण्डीराज न्यौपानेले जानकारी दिए ।
चोकको नाम राख्ने विषयमा विवाद हुँदा उनीहरूमाथि सडकमै आक्रमण भएको स्थानीयले बताएका छन् । बियरको बोतल र दाउराले हिर्काएको पीडितले बताएका छन् । घटनामा स्थानीय मनोज तामाङ पनि घाइते भएका छन् । घाइतेहरूको बिपी कोइराला स्वास्थ्य विज्ञान प्रतिष्ठानमा उपचार भइरहेको छ । वडासदस्य विकको छाती, घाँटी र अनुहारमा चोट लागेको छ ।
प्रहरीले कुटपिटको आरोपमा स्थानीय बाबुराम अधिकारी, गणेश कार्की, अर्जुन तामाङ र पदम तामाङलाई पक्राउ गरेको छ । गत शिवरात्रिमै शिवजी चोक नामकरण भएर उद्घाटन गरिएको सो चोक तथा सडकमा राखिएको बोर्ड शनिबार राति केही व्यक्तिले तोडफोड गरेका थिए ।
बोर्ड फालेको विषयमा प्रहरीको रोहवरमा सहमति भएर प्रहरी फर्किएपछि हातपात भएको वडासदस्य मञ्जिल श्रेष्ठले बताए । घटनाबारे अनुसन्धान सुरु गरिएको प्रहरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | Blunt weapon |
Primary Cause | Other governance issues |
Actor 1 - Number of people | 4 |
Actor 1 - Affiliations | Citizen/Individuals |
Actor 1 - Youth | unknown |
Actor 2 - Number of people | 3 |
Actor 2 - Affiliation (Target) | Citizen/Individuals |
Actor 2 - Youth | unknown |
Total Injured | 3 |
Female Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD