१६ वर्षीया बालिकालाई बलात्कार गरेको आरोपमा प्रहरीले ६१ वर्षीय बाबुलाई जेठ १५ गते गिरफ्तार गरेको छ ।

 आरोपितले पटक–पटक बलात्कार गर्दै आएको र अन्तिम पटक जेठ १३ गते बलात्कार गरेको आरोपमा पीडित पक्षले जेठ १४ गते इलाका प्रहरी कार्यालय इटहरीमा जानकारी गराएपछि गिरफ्तार गरेको डिएसपी धर्मराज ढकालले बताउनुभयो ।

 पीडित बालिका आरोपितको झड्केली छोरी रहेको प्रारम्भिक अनुसन्धानबाट खुलेपछि हाडनाता करणी शीर्षकमा जेठ १५ गते जिल्ला अदालतमा मुद्दा दर्ता गरी कारबाही अघि बढाएको डिएसपी ढकालले बताउनुभयो ।

 आरोपित अवकाश प्राप्त शिक्षक रहेको प्रहरीको भनाइ छ ।

 पीडित बालिकाको स्वास्थ्य परीक्षण वीपी कोइराला स्वास्थ्य विज्ञान प्रतिष्ठान धरानमा जेठ १५ गते गरिएको छ ।

जयकृष्ण यादव