विराटनगर, २९ जेठ । मानव अधिकारकर्मी सन्जू साहमाथि कुटपिट भएको छ । बाटो बनाउने विषयमा विवाद हुँदा समुहमा आएका व्यक्तिहरुले साहलाई घरमै बसेको अवस्थामा कुटपिट गरेका हुन । 

बिहिबार दिउँसो विराटनगर ११ मा रहेको साहको घरमै आएका आठ जनाको समुहले कुटपिट गरेको थियो ।  

आठजनाको समुहमा घरेलुु हतियारसहित आएकाहरुले निर्घात कुटपिट गरेको उनले बताइन । कुटपिटका कारण साहको देब्रे हात ,छातीमा चोट लागेको छ । 

कुटपिट गर्ने समुहले ज्यान मार्ने धम्की दिएको उनले बताइन । सञ्जु साह स्थानीय सडक विस्तार गर्ने उपभोक्ता समितिमा छन् । 

साहको कोशी अस्पताल विराटनगरमा उपचार भइरहको छ । कुटपिटमा संलग्नको प्रहरीले खोजी गरिरहेको छ ।