भरतपुर महानगरपालिका–१७ का वडासदस्य राजकुमार तामाङले जातीय विभेद हुने गरी गाली गलौज गर्नुका साथै कुटपिटसमेत गरेको आरोपमा सोही ठाउँका ४२ वर्षीय धनबहादुर नेपालीले जिल्ला प्रहरी कार्यालयमा साउन ७ गते उजुरी दिनुभएको छ । क्वारेण्टाइनमा रहेका मानिसहरूको पीसीआर जाँचको विषयमा छलफल हुँदा साउन ६ गते कुटपिट भएको भन्दै नेपालीले उजुरी दिएको जिल्ला प्रहरी कार्यालका प्रवत्ता डीएसपी सूर्य थापाले बताउनुभयो ।मुखमा सामान्य चोट लागेका नेपालीको ७ गते भरतपुर अस्पतालमा स्वास्थ्य जाँच गरिएको छ । स्वास्थ्य जाँचपछि नेपाली घर फर्किनु भएको छ । आरोपित तामाङ गिरफ्तार नपरेको प्रवत्ता थापाले इन्सेक प्रतिनिधिलाई जानकारी दिनुभयो ।

दिपेन्द्र अधिकारी