2020-07-23
८ साउन, बुटवल । रुपन्देहीको शंकरनगर खानेपानी तथा सरसफाइ उपभोक्ता संस्था योगीकुटीको कार्यालयमा तालाबन्दी भएको छ । संस्थाको नयाँ नेतृत्व चयनका लागि विधान विपरित निर्वाचन समिति बनाइएको र समावेशीतालाई बेवास्ता गरिएको भन्दै राष्ट्रिय जनमुक्ति पार्टीले कार्यालयको मूल गेटमा बिहीबार बिहान तालाबन्दी गरेको हो ।
उपभोक्तासहित झण्डै पाँचसय जनाको उपस्थितिमा नाराबाजी गर्दै उक्त पार्टीले गेटमा तालाबन्दी गरेपछि कर्मचारीहरु कार्यालय प्रवेश गर्न पाएका छैनन् ।
तालाबन्दी गर्ने सूचना पाएपछि सुरक्षाकर्मी तैनाथ गरिएपनि ठूलो संख्यामा उपभोक्तासहित पार्टीका कार्यकर्ता आएकाले प्रहरीले हस्तक्षेप गरेको थिएन ।
संस्थाको असोज अन्तिम साता गर्ने तय भएको छैटौं अधिवेशनका लागि कार्यसमिति वैठकले निर्वाचन समिति गठन गर्नुपर्नेमा विधान विपरित सत्तारुढ दल नेकपा र प्रमुख प्रतिपक्षी दल नेपाली कांग्रेसलाई जिम्मा दिएर दुई दल निकट व्यक्ति र संस्थाका कार्यसमिति सदस्य समेतलाई राखेर गठन गरिएको जनमुक्तिको आरोप छ ।
निर्वाचन समितिको सदस्यमा विधान विपरित संस्थाका कार्यसमिति सदस्य बेलप्रसाद शर्मालाई राखिएको, निर्वाचन समितिमा महिलाको सहभागिता नभएको र नगरमा क्रियाशील राष्ट्रिय जनमुक्ति, जनता समाजवादी पार्टी लगायत अन्य पार्टीलाई उपेक्षा गरिएकाले आन्दोलनमा उत्रिनुपरेको संघर्ष समितिकी संयोजक राधिका पुनले बताइन् ।
सहमतिविना तालाबन्दी खोलिए थप आन्दोलनका कार्यक्रम गरिने राष्ट्रिय जनमुक्ति पार्टीका तिलोत्तमा नगर अध्यक्ष भोमबहादुर बुढामगरले बताए ।
संस्थामा करोडौं रुपैयाँ वजेट रहेको र आफ्नो पार्टीले मितव्ययिता, पारदर्शिताको पक्षमा आवाज उठाउने गरेकाले वजेटमा मनोमानी गर्नका लागि दुई दलको मिलेमतो भएको उनले आरोप लगाए ।
वार्षिक करिव ४ करोड बराबरको आर्थिक कारोबार हुने संस्थामा हाल ६ हजार ३५० उपभोक्ता रहेका छन् । २१ जना कर्मचारी रहेको उक्त खानेपानी उपभोक्ता समितिमा १८ करोड बढीको कोष रहेको छ ।
संस्थाका अध्यक्ष हरि तिवारीले भने निर्वाचन समिति विधान अनुसार नै गठन गरिएको दाबी गरेका छन् ।
Violent / Non-violent | Nonviolent |
Primary Form | Gherau/Dharna (sit-in)/padlocking |
Primary Cause | Other governance issues |
Actor 1 - Number of people | 500 |
Actor 1 - Affiliations | Other/multiple/unspecified political affiliation |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Other state institutions |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD