धनुषामा एक युवती बलात्कृत भएकी छिन् । धनुषाको क्षिरेश्वनाथ नगरपालिका–३ की १८ बर्षीया एक युवतीलाई स्थानीय कलाम राइनले घरबाट लगेर जबरजस्ती करणी गरेका हुन् ।  सोमबार राति करिब १२ बजे शौच गर्न घर बाहिर निस्केकी उक्त युवतीलाई स्थानीय ३० बर्षीय राइनले जबरजस्ती करणी गरेका पीडित परिवारको आरोप छ । राइनले ती युवतीलाई बिहान ३ बजे घर छोडेपछि मात्रै उक्त घटना सार्वजनिक भएको हो ।  पीडित परिवारजनले तत्कालै उक्त युवकलाई नियन्त्रणमा लिएर इलाका प्रहरी कार्यालय महेन्द्रनगरको जिम्मा लगाएका छन् ।