बौद्धिक अपाङ्गता भएकी १६ वर्षीया बालिकालाई बलात्कार गरेको आरोपमा प्रहरीले भोजपुर नगरपालिका–५ बोखिमका ३० वर्षीय नविन प्रधानलाई साउन १२ गते प्रहरीले गिरफ्तार गरेको छ ।

आरोपितले पीडित बालिकालाई असार १५ गते बलात्कार गरेको आरोपमा पीडित पक्षले आरोपितविरूद्ध साउन १२ गते प्रहरीमा उजुरी दिएको थियो । पीडित बालिकाले ढिलो गरी घटना सुनाएपछि पीडित पक्षले प्रहरीमा उजुरी गरेको थियो ।

पीडित पक्षको उजुरीका आधारमा आरोपितलाई गिरफ्तार गरेको जिल्ला प्रहरी कार्यालयका इन्स्पेक्टर प्रदीप लामाले इन्सेक प्रतिनिधिसँगको फोन सम्पर्कमा बताउनुभयो ।

पीडित बालिकाको स्वास्थ्य परीक्षण जिल्ला अस्पतालमा साउन १२ गते गरिएको छ ।

गणेश विष्ट