हेटौँडा । मदन भण्डारी स्वास्थ्य विज्ञान प्रतिष्ठान, हेटौँडा अस्पतालले हेटौँडा उपमहानगरपालिका वडा नंबर ६ मा स्थापना गरेको कोरोना आइसोलेसनमा त्यहा कार्यरत केहि स्वास्थ्यकर्मीले संक्रमितहरुलाई अभद्र ब्यवहार गरेको पाईएको छ । गत साउन ३१ गतेबाट सञ्चालनमा आएको आइसोलेसन वार्डमा कार्यरत केहि महिला स्वास्थ्यकर्मीले त्यहा रहेको महिला संक्रमितलाई अभद्र ब्यवहार गरेका हुन् । आइसोलेसन वार्डको विषयमा समाचार संकलनको लागि पुगेका पत्रकारकै अगाडी दुर्व्यवहार भएपछि घटना सार्वजनिक भएको थियो । के भएको थियो घटना, प्रत्यक्षदर्शी पत्रकारको भनाई जस्ताको त्यस्तै म आज बिहान स्वाव परिक्षणको लागि हेटौँडामा रहेको कोरोना आइसोलेसन कर्रामा पुगेको थिए । म संगै हिडने गरेको साथि संक्रमित भएपछि म पनि स्वाव दिनको लागि कर्रा पुगेको हुँ । कर्रामा पुगेपछि मैले मेरो साथिलाई भेटन मन गरे तर उनी गौरिटार रहिछिन । त्यसपछि म गौरिटार पुगे । सुरुमा प्रवेश गर्न दिईएन, अनि मैले म पत्रकार रहेको र समाचार संकलनको लागि आएको भन्ने जवाफ दिएपछि बल्ल प्रवेश पाए । प्रवेश पाउनसाथ त्यहा एकजना करिब ३५-४० वर्षकि महिलाले बैनि साबुन देउ न भनेर माग्नुभयो । त्यसपछि ति महिला स्वास्थ्यकर्मीले झर्कदै सिस्टर भनेर बोलाउन आउदैन ? बहिनी भन्ने भए उपचार गराउन न आए हुन्छ अलि अलि खान पाइरहेको छौ त्यो पनि नपाउला फेरि ,भनेपछि मलाई निकै नरमाईलो लाग्यो । अनि मैले किन र बहिनि भन्न नहुने हो र भनेर प्रश्न गरे ? त्यसपछि मलाई त्यहा सेना लगाएर निकाल्ने प्रयास भयो तर म पत्रकार भएको जानकारी दिएपछि सेनाले केहि गरेनन् । त्यहि एकजना दिदिले साबुन माग्दा टाउकोमा लाग्ने गरि दिईयो । 

एउटा आइसोलेसनमा एउटा संक्रमित माथि यस्तो ब्यवहार हुन्छ भने उनीहरुको मानसिकता कस्तो होला मलाई ज्यादै नराम्रो लागेको छ