सुनसरी, १८ भदौ । सिचाइँ सुविधाको माग गर्दै सुनसरी इनरुवा–६ का किसान आन्दोलित बनेका छन् । इनरुवा ६ का वडाबासीहरूले सिचाइँ सुविधा र नहर–पैनी सफाइसहितका ७ सुत्रीय माग राख्दै बिहीबार आन्दोलन गरेका हुन् ।

किसानहरूले बिहीबार इनरुवा नगरपालिका–६ को वडा कार्यालयमा जम्मा भइ नाराबाजीसहित धर्ना दिए का थिए । आन्दोलित किसानहरूले धान खेतमा हाल्ने रसायनिक मल तथा सिंचाइ सुविधाको व्यवस्था गर्नुपर्ने माग गर्दै आन्दोलनमा उत्रेको स्थानीय रवणकुमार फुयालले बताए । 

इनरुवा–६ का किसानहरूलाई वडाअध्यक्ष कोषराज अधिकारीले उपेक्षा गरेकाले आन्दोलित बनेको अर्का किसान विक्रम पराजुलीले बताए ।

स्थानीयबासी थापाका अनुसार इनरुवा ६ मा किसानहरूले करिव ४ सय ५० हेक्टर जग्गामा लगाएको धानबालीमा समयमा रसायनिक मल र सिंचाइँको व्यवस्था नहुँदा किसानहरू बाध्य भएर आन्दोलित बनेको हो ।