2021-02-22
सुर्खेत । व्यवस्थित बसोबासको माग गर्दै कर्णाली प्रदेशको मुख्यमन्त्री तथा मन्त्रिपरिषदको कार्यालय अगाडि वादी समुदाय धर्ना बसेका छन् । सोमबार बेलुकी ७ बजेतिर वीरेन्द्रनगर पुगेका उनीहरु अहिले मुख्यमन्त्री कार्यालय अगाडिको खुल्ला चौरमा धर्नामा बसेका हुन् ।
करिब २ सयको हाराहारीमा रहेका उनीहरु दैलेखबाट पैदल यात्रा गरेर सुर्खेत आइपुगेका हुन् । आइतबार बिहान ७ बजे हिँडेर सोमबार बेलुकी ७ बजे मात्र वीरेन्द्रनगर पुगेको दुल्लु नगरपालिका–१ का हिक्मत वादीले जानकारी दिए । उनले भने, ‘हाम्रो बस्ने जमिन छैन् । भारी बोक्दै, माछा मार्दै जीविका चलाएका थियौँ । बालुवा निकाल्न बन्देज लगाइयो, जीविका चलाउन गाह्रो भयो । कोरोनाले शिथिल पारेर आखिर शरीर नै बेच्नुपर्ने अवस्था आएपछि हामी यहाँ (प्रदेश सरकारको शरणमा) आइपुगेका हौँ ।’
उनीहरुले प्रदेश सरकारसँग खेतीपाती गर्ने जमिन र सुरक्षित आवासको माग गरेका छन् । उनीहरुको साथमा साना बालबालिकासँगै बृद्धबृद्धाहरु समेत रहेका छन् । साँझको समयमा मुख्यमन्त्री कार्यालय अगाडि बसेका उनीहरुलाई तरुण दल सुर्खेतका अध्यक्ष हरि विष्टले आजको खानपिनको व्यवस्थापन गरेका छन् ।
प्रदेश सरकारका प्रतिनिधि आएर कभर्ड हलमा बस्न बन्दोबस्त गर्न खोजे पनि उनीहरु जान मानिरहेका छैनन् । ‘हामीले आजसम्म चिसोमै दिनहरू बितायौँ’ एक रातको लागि हामी जाँदैनौं’ हिम्मत वादीले भने, ‘जबसम्म हाम्रो माग पुरा हुँदैन हामी मुख्यमन्त्रीकै कार्यालय अगाडी धर्ना बस्छौँ ।’ दैलेखमा वादी समुदायका ४०२ परिवार र १ सय १२ घरधुरी संख्या रहेको छ । उनीहरुको गुनासोबारे बुझ्न मुख्यमन्त्री महेन्द्रबहादुर शाहीलाई पटक–पटक फोन गर्दा उनीसँग सम्पर्क हुन सकेन ।
Violent / Non-violent | Nonviolent |
Primary Form | Gherau/Dharna (sit-in)/padlocking |
Primary Cause | Other governance issues |
Actor 1 - Number of people | 402 |
Actor 1 - Affiliations | Dalit |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | State-level authorities for (yet to be formed) provinces |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD