१५ वर्षीया बालिकालाई चैत २४ गते बलात्कार गरेको आरोपमा बेनिघाटरोराङ गाउँपलिका–३ मलेखु क्षेत्रमा मजदुरी गर्दै आएका ५० वर्षीय राजु अन्सारीलाई प्रहरीले चैत २६ गते गिरफ्तार गरेको छ ।

भारतबाट धादिङ मजदुरी आएका अन्सारीले कोठामा एक्लै भएको समयमा बालिकालाई डर त्रास देखाई हात खुट्टा बाँधेर समेत पटक/पटक बलात्कार गरेको भन्दै पीडितका आफन्तले चैत २५ गते इलाका प्रहरी कार्यालयमा गजुरीमा उजुरी दिएका थिए ।इलका प्रहरी कार्यालय गजुरीले आरोपित विरुद्ध चैत २५ गते नै जबरजस्ती करणी अन्तरगत मुद्दा दर्ता गरेको छ ।

बालिकाको स्वास्थ्य परीक्षण चैत २५ गते जिल्ला अस्पताल धादिङमा गरिएको छ । स्वास्थ्य परीक्षणमा बालिका सात महिनाको गर्भवती भएको खुलेको थियो ।जिल्ला अदालतको चैत २६ गतेको आदेश बमोजिम बालिकाको गर्भपतन चैत २६ गते नै जिल्ला अस्पताल धादिङमा गरिएको जिल्ला प्रहरी कार्यालय एसपी महेन्द्र खड्काले जानकारी दिनुभयो ।

सीताराम अधिकारी