२२ वर्षीया महिलालाई यौन दुर्व्यवहार गरेको आरोपमा धनुषा जिल्ला सबैला नगरपालिका–१ स्थायी घरभई बाह्रविसे नगरपालिका–४ मा घडी पसल गरी अस्थायी बसोवास गर्दै आएका ४५ वर्षीय चन्द्रेश्वर महतोलाई प्रहरीले ०७८ वैशाख ५ गते बाह्रविसे बजारबाट गिरफ्तार गरेको छ ।

आरोपितले ०७७ चैत २३ गते दिउँसो पीडितकै घरको पसल भित्र लगि यौन दुर्व्यवहार गरेको पीडितको आरोप छ । पीडितले चैत २४ गते इलाका प्रहरी कार्यालय बाह्रविसेमा उजुरी दिएकी थिइन् ।

पीडितको चैत २४ गते प्राथमिक स्वास्थ्य केन्द्र बाह्रविसेमा स्वास्थ्य परीक्षण गरिएको जिल्ला प्रहरी कार्यालयका इन्स्पेक्टर रामचन्द्र घिमिरेले बताउनु भयो ।

घटनापछि फरार भएका आरोपित नौ दिनपछि बाह्रविसे आएको सूचना पाएपछि प्रहरीले गिरफ्तार गरेको थियो ।

नातिबावु धिताल