१४ वर्षीया बालिकालाई बालविवाह गरेर बलात्कार गरेको आरोपमा प्रहरीले पाथीभरा याङ्वरक गाउँपालिका–३ तिरिङेका २८ वर्षीय खेमबहादुर लिम्बुलाई वैशाख ८ गते गिरफ्तार गरेको छ ।

पीडित बालिकालाई आरोपितले २०७७ चैत ३१ गते ललाईफकाई विवाह गरेर बलात्कार गरेको भनी पीडितका आफन्तले जिल्ला प्रहरी कार्यालयमा वैशाख ७ गते उजुरी दिएको जिल्ला प्रहरी कार्यालयका इन्स्पेक्टर मोहन पोखरेलले इन्सेक प्रतिनिधिलाई जानकारी दिनुभयो ।

पीडित बालिकाको स्वास्थ्य परीक्षण जिल्ला अस्पतालमा वैशाख ७ गते गरिएको जिल्ला अस्पतालका प्रमूख डा.सोनिङ लामाले इन्सेक प्रतिनिधिलाई बताउनुभयो ।

देवराज गुरुङ