धनुषाको रमदैयास्थित जानकी मेडिकल कलेज शिक्षण अस्पतालका कर्मचारीले अस्पतालको प्रशासन तथा लेखा शाखामा तालाबन्दी गरेका छन् ।विगतमा भएको सहमति सम्झौता कार्यान्वय गर्न ९८ दिनदेखि रिलेअनशनमा बसेका कर्मचारीले आइतबार केन्द्रीय प्रशासन कार्यालय, लेखा शाखा र मानव संशाधन शाखामा तालाबन्दी गरेका हुन् ।

कर्मचारीहरु माघ ५ गतेदेखि रिले अनशनमा बसेका छन् । कलेजमा कार्यरत १२५ कर्मचारीमध्ये १०० जना कर्मचारी आन्दोलनमै रहेको कर्मचारी हकहित संरक्षण संघर्ष समितिका संयोजक उमेश यादवले बताए ।उनका अनुसार रिले अनशन सुरु गरिएको दिनदेखि नै प्रत्येक दिन दुईजनाको टिम बनाएर अनशन जारी राखिएको छ ।