रुपन्देहीको कोटहीमाई गाउँपालिकाका  कर्मचारी कार्यालयमा नआएको भन्दै वडा अध्यक्षहरुले पालिकाको कार्यालयमा तालाबन्दी गरेका छन् । आइतबार वडा नम्बर ३ का अध्यक्ष चन्द्रभान यादव र ४ का अध्यक्ष ओमप्रकाश पाण्डेले असार मसान्तमा जनताको काम गर्ने बेलामा कोही पनि पालिका कार्यालयमा नआएकाले तालाबन्दी गरिएको जानकारी दिए । काम गर्ने बेलामा कर्मचारी नआएकोले आफुहरु बाध्य भएर तालाबन्दी गरिएको उनीहरुले बताए । कोटहीमाई गाउँपालिका रुपन्देहीको दणिक्षी क्षेत्र मर्चवारमा पर्दछ ।

अध्यक्ष यादवले  गाउँपालिकामा अध्यक्ष, उपाध्यक्ष, प्रमुख प्रशासकीय अधिकृत, लेखा अधिकृत र प्राविधिक कोही पनि कार्यालयमा नआएको बताए । यद्यपि, गाउँपालिकाका प्रमुख प्रशासकीय अधिकृत दुर्गा गौडले तालाबन्दीबारे आफूलाई जानकारी नभएको जानकारी दिए । उनले आफु बिरामी भएका कारण कार्यालय जान नसकेको बताए ।

रातोपाटीको अंग्रेजी, हिन्दी र ग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक र ट्वीटरमार्फत पनि हामीसँग जोडिन सकिनेछ ।

स्रोतहरू खुलाइएका बाहेक रातोपाटीमा प्रकाशित सम्पूर्ण सामग्रीहरू डिस्कवरी न्युज नेटवर्कका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।