2021-09-19
Sudurpashchim, Kailali, Dhangadhi
४ असोज, धनगढी । सेवा करारमा जथाभावी कर्मचारी भर्ना गरिएको भन्दै नेपाल विद्युत प्राधिकरण सुदूरपश्चिम प्रादेशिक कार्यालय अत्तरियामा तालाबन्दी गरिएको छ । सेवा करारमा कार्यरत कर्मचारी र युवा संघ कैलालीले संयुक्त रुपमा सोमबार दिउँसो कार्यालयमा तालाबन्दी गरेका हुन् ।
प्रादेशिक कार्यालयसहित प्राधिकरण मातहतका निकायमा सेवा करारमा कार्यरत यसअघिका कर्मचारीलाई जानकारी समेत नदिएर आर्थिक असुली गर्दै मनलाग्दी किसिमले भर्ना गरेको भन्दै उनीहरुले तालाबन्दी गरेका हुन् ।
धनगढी वितरण केन्द्रमा सेवा करारमा प्राविधिक हेल्परका रुपमा कार्यरत समिर खड्काले पुराना कर्मचारीलाई जानकारी समेत नदिएर विद्युत प्राधिकरण र निर्माण व्यवसायीले जथाभावी रुपमा कर्मचारी भर्ना गरेका कारण बाध्य भएर तालाबन्दी गर्नुपरेको बताए ।
‘काम सिकिसकेका पुराना कर्मचारीलाई निरन्तरता दिनुपर्छ भन्ने हाम्रो माग हो तर प्राधिकरण र ठेकेदारले रकम असुली गर्दै निकटका व्यक्तिलाई भर्ना गरेर अनियमितता गरेका छन्,’ खड्काले भने, ‘फारम भर्ने सूचना समेत नदिएर हामीमाथि अन्याय गरिएको छ । यसमा हाम्रो गम्भीर ध्यानाकर्षण भएको छ ।’ करार सेवाका लागि आह्वान गरिएको आवेदन फारम भर्दा समेत विभेद गरिएको उनीहरुको गुनासो छ ।
अनियमित तरिकाले फारमको शुल्क लिने काम समेत भएको भन्दै उनीहरुले समानता कायम गर्न माग गरेका छन् ।
नेपाल विद्युत प्राधिकरणले भने सेवा करारका कर्मचारी सम्झौता बमोजिम ठेक्का लिएका सम्बन्धित निर्माण व्यवसायीले भर्ना गर्ने भएकाले कार्यालयसँग खासै सरोकार नहुने जनाएको छ । प्रादेशिक कार्यालयका निमित्त प्रमुख मेघमणि गौतमले यसअघि दुई वर्षका लागि गरिएको ठेक्काको अवधि सकिएपछि डिलस मल्टी सेक्युरेटीसँग सम्झौता गरिएको बताउँदै कर्मचारी भर्ना पनि उसैले गरेको दाबी गरे ।
अहिलेको विषयमा पनि डिलस मल्टी सेक्युरिटीसँग सोधेको उनले बताए । ‘मौखिक रुपमा नभए लिखित रुपमै सोध्छु,’ उनले भने । डिलस मल्टी सेक्युरिटीले प्रादेशिक कार्यालयसहित प्राधिकरणका अन्य कार्यालयका लागि झण्डै एक सय जना कर्मचारी करार सेवामा भर्ना गरेको बताइएको छ ।
Violent / Non-violent | Nonviolent |
Primary Form | Gherau/Dharna (sit-in)/padlocking |
Primary Cause | Labor disputes, not including civil servants |
Actor 1 - Number of people | N |
Actor 1 - Affiliations | Other state institutions |
Actor 1 - Youth | na |
Actor 2 - Number of people | N |
Actor 2 - Affiliation (Target) | Other state institutions |
Actor 2 - Youth | na |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD