४८ वर्षीया महिलालाई यौन दुर्व्यवहार गरेको आरोपमा प्रहरीले पाँचपोखरी थाङ्पाल गाउँपालिका–५ का ४९ वर्षीय मैते लामा गोलेलाई कात्तिक १७ गते तिपेनी बजारबाट गिरफ्तार गरेको छ ।पीडित महिलालाई आरोपितले कात्तिक २ गते यौन दुर्व्यवहार गरेको भन्दै पीडित पक्षले कात्तिक ५ गते इलाका प्रहरी कार्यालय मेलम्चीमा उजुरी गरेको जिल्ला प्रहरी कार्यालयका हवल्दार दिनेश लामाले बताउनु भयो ।पीडितको स्वास्थ्य परीक्षण कात्तिक ५ गते प्राथमिक स्वास्थ्य केन्द्र मेलम्चीमा गरिएको छ ।