६३ वर्षीया महिलालाई बलात्कार गरेको आरोपमा प्रहरीले रुपन्देहीको सुर्यपुरा गाउँपालिका–८ स्थायी घर भई खाँडादेवी गाउँपालिका–१ मा बस्दै आएका ४१ वर्षीय कृष्ण विकासलाई कात्तिक १९ गते गिरफ्तार गरेको छ ।

पीडित महिलालाई आरोपितले कात्तिक १७ गते बलात्कार गरेपछि पीडित महिलाको अत्यधिक रक्तश्राव भएको थियो ।

गाउँमा उपचार हुन नसकेपछि पीडित महिलालाई कात्तिक १८ गते थप उपचारका लागि काठमाडौँ लगेर एक अस्पतालमा भर्ना गरिएको छ ।

अत्यधिक रक्तश्रावको कारणबारे डाक्टरले सोधेपछि ती महिलाले आफू बलात्कृत भएको बताएकी थिइन् ।

सोही सूचनको आधारमा आरोपितलाई गिरफ्तार गरिएको जिल्ला प्रहरी कार्यालयका डिएस्पी नवराज ढुङ्गानाले जानकारी दिनुभयो ।