पूर्वी नवलपरासी — दुम्कौलीमा रहेको चौधरी ग्रुपको चाउचाउ कारखानाले अत्यधिक वातवरण प्रदूषण गरेको भन्दै स्थानीयले कारखानामा तालाबन्दी गरेर सडक आन्दोलन गरेका छन ।

दुम्कौलीमा रहेको चौधरी उद्योगले चाउचाउ, स्न्याक्स, रियो, वियर र चुरोट उत्पादन गर्दै आएको छ । कारखाना सञ्चालनकालागि चलाइने ब्वाइलर मेसिनमा धानको भुसबाट आगो लगाउने गरेका कारण धुलो उडेर आसापासमा बस्नै नसक्ने अवस्था भएकाले स्थानीय विरोधमा उत्रिएका हुन् ।

देवचुली नगरपालिकाले पटक पटक कारखाना सञ्चालन गर्दा न्यूनतम वातावरणीय असरलाई ख्याल गर्न कारखाना व्यवस्थापनलाई माग गर्दा समेत सुनुवाई नगरी कारखाना सञ्चालन गर्दै आएको जानकारी दियो ।