श्रीमानको मृत्युपछि जुठो बारेर बसिरहेकी एक महिलामाथि जबरजस्ती करणी गर्न खोजेको आरोपमा एक पुरुष पक्राउ परेका छन् । रामेछाप लिखु तामाकोसी गाउँपालिका–३ धोबीका ५० वर्षीय सिंहबहादुर कामीलाई प्रहरीले पक्राउ गरेको हो ।

श्रीमानको जुठो बारेर बसेकी  लिखु तामाकोसी गाउँपालिकी एक महिलामाथि  घरमा कोही नभएको मौका छोपेर जबरजस्ती करणीको प्रयास गरेर फरार रहेका बिकलाई प्रहरीले पक्राउ गरेर अनुसन्धान अगाडि बढाएको छ ।

घरमा राती सुतिरहेको अवस्थामा  एक्कासि कोठाभित्र प्रवेश गरेर जबरजस्ती करणी गर्ने क्रममा ती महिलाले प्रतिकार गरेपछि छोरीले छिमेकीलाई खबर गरेकी थिइन । छिमेकीले थाहा पाएसँगै विक त्यहाँबाट भागेका थिए ।

जिल्ला प्रहरी कार्यालय रामेछापले पीडित महिलाले दिएको उजुरीको आधारमा हिजो राती ११ बजे धोबीबाट पक्राउ गरेको  बताएको छ ।