खोटाङ — जबरजस्ती करणी गरेको आरोपमा एक पुरुष पक्राउ परेका छन् । दिक्तेल रुपाकोट मझुवागढी नगरपालिका–७ दोर्पाचिउरीडाडाँका ३२ वर्षीय प्रकाश हिङमाङ बुधबार पक्राउ परेका हुन् ।

स्थानीय १६ वर्षीया किशोरीलाई गत पुस २५ गते साँझ जबरजस्ती करणी गरेको आरोपमा हिङमाङ पक्राउ परेको जिल्ला प्रहरी नायव उपरीक्षक उमेश लम्सालले बताए । उनका अनुसार पीडितको अभिभावकले माघ ४ गते उजुरी दिएको र खोज तलासका क्रममा घरबाटै हिङमाङलाई पक्राउ गरिएको प्रहरीले जनाएको छ ।

पक्राउपछि बुधबारै सात दिनको म्याद थप गरी अनुसन्धान थालिएको डिएस्पी लम्सालले जनाए ।