१३ वर्षीया बालिकालाई विवाह गर्ने प्रलोभनमा पारी बलात्कार गरेको आरोपमा पीडित पक्षले बराहक्षेत्र नगरपालिका–१ का १९ वर्षीय जयकुमार राईविरूद्ध असार २१ गते इलाका प्रहरी कार्यालय महेन्द्रनगर चक्रघटीमा उजुरी दिएको छ । पीडित बालिकालाई विवाह गर्ने प्रलोभनमा पारी असार २० गते बलात्कार गरेको आरोपमा आरोपितविरूद्ध प्रहरीमा उजुरी दिएको पीडित बालिकाका ३४ वर्षीय काकाले इन्सेक प्रतिनिधिसँगको भेटमा बताउनु भयो ।

बालिकालाई बलात्कार गरेको आरोपमा पीडित पक्षले आरोपितविरूद्ध असार २१ गते जिल्ला प्रहरी कार्यालयमा उजुरी दिएको डिएसपी नरेन्द्रकुमार कार्कीले पुष्टि गर्नु भएको छ । पीडित पक्षको उजुरीलगत्तै आरोपित फरार भएको र खोजी भइरहेको डिएसपी कार्कीले इन्सेक प्रतिनिधिसँगको भेटमा बताउनु भएको छ । पीडित बालिकाको स्वास्थ्य परीक्षण जिल्ला अस्पतालमा असार २१ गते गरिएको छ ।