सोलुदूधकुण्ड नगरपालिका–५ की ५५ वर्षीया बुधमाया कामीलाई खुकुरी प्रहार गरी हत्या गरेको आरोपमा प्रहरीले ५९ वर्षीय पति सुब्बा कामीलाई असार २६ गते गिरफ्तार गरेको छ ।घरायसी विवादका क्रममा आरोपितले असार २६ गते खुकुरी प्रहार गरी पत्नीको हत्या गरेको पीडितका २५ वर्षीय छिमेकी लाक्पा शेर्पाले इन्सेक प्रतिनिधिसँगको फोन सम्पर्कमा बताउनु भयो । पतिले खुकुरी प्रहार गरी पत्नीको हत्या गरेको सूचना स्थानीयले प्रहरीलाई दिएपछि आरोपितलाई घटनास्थलबाटै गिरफ्तार गरेको जिल्ला प्रहरी कार्यालयका इन्स्पेक्टर रामकिशोर शाहले इन्सेक प्रतिनिधिसँगको फोन सम्पर्कमा बताउनु भयो । शवको पोष्टमार्टम जिल्ला अस्पतालमा असार २७ गते गरिने तयारी गरिएको छ ।