हत्याको आरोपमा पक्राउ परेकालाई अदालतले रिहाइ गर्न खोजेको भन्दै पीडित परिवारसहित स्थानीयवासीले जिल्ला अदालत सिराहा घेराउ गरी नाराबाजी गरेका छन्।

गत मंसिर ९ मा सिराहाको बरियारपट्टी गाउँपालिका– १ नरगीका श्यामदेव यादवका ३० वर्षीय रामशंकर यादवको कुटपिटबाट मृत्यु भएको थियो।

अदालतको मुख्य गेटमा धर्ना बस्दै उनीहरूले चर्को नाराबाजीसहित हत्यारालाई रिहा गर्न नहुने र पीडित परिवारले न्याय पाउनुपर्ने माग गरेका छन्।

जिल्ला अदालत सिराहाका श्रेस्तेदार जगदीश भट्टाराईले ज्यानसम्बन्धी कसुरमा थुनछेक बहस सुरु भएको र आवश्यक प्रमाणका आधारमा धरौटी, साधारण तारेख वा पुर्पक्षका लागि कारागार पठाइने बताएका छन्।

जिल्ला अदालत सिराहाको इजलास नम्बर २ मा न्यायाधीश लीलाराज अधिकारीले आवश्यक प्रमाणका आधारमा आदेश गर्ने श्रेस्तेदार भट्टराईले बताए।

स्थानीय नेपाल प्रहरी, सशस्त्र प्रहरी र भारतीय एसएसबीलाई पनि आर्थिक प्रलोभनमा राख्दै निर्वाध रूपमा मदिराको तस्करी गर्दै आएको स्थानीय अगुवा अशोक यादवको भनाइ छ।

त्यसपछि आफ्नै भारतीय मदिरा कारोबारका साझेदार एकजनालाई हत्या गरी सीमाछेउकै सरस्वती नदीमा शव फालिएको थियो। हत्या गरी शव तीन दिन आफ्नै कोठामा राखेर गत वर्षको इन्द्रपूजामा नदीमा शव फालेको स्थानीयवासीले बताएका छन्।

अझै केही दिन तपाईहरुले नयाँ पत्रिकाका सम्पूर्ण सामग्री लगअन गरेर नि:शुल्क हेर्न सक्नुहुनेछ ।