१७ वर्षीया बालिकालाई बलात्कार गरेको आरोपमा मेलम्ची नपा-९ ज्यामिरेका २५ वर्षीय रामहरी खड्काविरुद्ध ०७९ पुस २१ गते जिल्ला प्रहरी कार्यालयमा उजुरी दर्ता भएको छ । पीडित बालिकालाई पुस १८ गते आरोपित खड्काले बलात्कार गरेको भन्दै पीडितका बुवाले प्रहरीमा उजुरी दिनु भएको थियो । पीडितले दिएको उजुरी जिल्ला प्रहरी कार्यालयमा दर्ता गरेर थप अनुसन्धानको लागि इलाका प्रहरी कार्यालय मेलम्ची पठाएको जिल्ला प्रहरी कार्यालयका डिएसपी शिव बुढाथोकीले बताउनु भयो । पीडितको स्वास्थ्य परीक्षण पुस २१ गते चौतारा अस्पतालमा गरियो ।