१६ फागुन, वीरगञ्ज । लघु वित्तीय संस्थाले ज्यादती गरेको भन्दै बाराको सिमरामा लघुवित्त पीडितहरुले प्रदर्शन गरेका छन् । लघु वित्तीय संस्था विरुद्धको संघर्ष समिति बाराले मंगलबार प्रदर्शन गरेको हो । उनीहरुले लघु वित्तीय संस्था खारेज गर, लघुवित्तीय संस्थाविरुद्ध एक हौं, ऋणी मार्न पाइँदैन लगायतका नारा लेखिएको प्ले कार्ड बोकेर प्रदर्शन गरेका थिए । बाराको उमजन, जीतपुरसिमरा लगायत क्षेत्रका लघुवित्त पीडित महिलाहरुले प्रर्दशन गरेका हुन् ।

ऋणीको क्षमता नबुझी कर्जा प्रवाह गरेर अहिले दुःख दिइरहेको तर्क सिमराकी सावित्री शर्माको छ । गैरकर्जा प्रवाह गरी लघुवित्तीय संस्थाहरुले ऋणीलाई बिचल्ली बनाएको आरोप उनको छ ।